Festival Haqqında

Salam Beynəlxalq Yeniyetmə Film Festivalının əsas məqsədi gənclər arasında kino təhsili, ölkəmizin mədəniyyətininin təbliği və azərbaycanlı uşaqların digər ölkələrdən olan həmyaşıdları ilə dost münasibətlərinin qurulmasıdır.

Biz yeniyetmələrimizin müsbət düşüncə tərzini kino vasitəsilə daha da inkişaf etdirmək niyyətindəyik.

Festival zamanı uşaqlar dünya və Azərbaycan kinematoqrafiyasının yeni nümunələrini izləyir, film tənqidçilərinin və digər kino mütəxəssislərinin iştirakı ilə filmləri müzakirə edir və münsiflər heyəti kimi səsvermə yolu ilə qalib filmləri müəyyənləşdirirlər.

Hər il festivalda Azərbaycandan və müxtəlif ölkələrdən uşaqlar iştirak edirlər. Festivalımızın iştirakçıları 13-18 yaş arası gənclərdi.

2019-cu il sentyabrın 2-dən 5-dək Bakıda ilk dəfə "Narimanfilm" film şirkəti tərəfindən təsis edilən Salam Beynəlxalq Gənclər Film Festivalı keçirildi. Salam IYFF-in ilk ilində festivalda Azərbaycan, Türkiyə, Rusiya, Gürcüstan, Ukrayna, İtaliya, Makedoniya, Hindistan, Almaniya, Pakistan və Xorvatiya olmaqla 11 xarici ölkədən 300-ə yaxın yeniyetmə iştirak etdi. Hər bir üzv Salam 2019-da yeni dostlar tapdı.

Bu il Salam Beynəlxalq Yeniyetmə Film Festivalında görüşənədək!